NRC आव गोरोन्थि जानाय मुंफोरखौ सुज्रायफिन्नाय खामानिखौ जागायबाय

गुवाहाटी,नवेम्बर 15: नेसनेल रेजिस्टार अव चिटिजेनसिवनि जोबथा आबुं फारिलाउखौ फोसावनायाव गोरोन्थि जालांनाय मुंफोरखौ गोरोन्थि गोयै खालामफिन्नो थाखाय एनआरची सिबिथाय मिरुफोराव सुफुं बिलाइ होनायखौ जागायबाय। एनआरचानि जोबथा आबुं फारिलाइखौ थांनाय 30 जुलाइ 2018 आव फोसावदोंमोन जाय फारिलाइआव गासै सा 2,89,83,677 सुबुंफोरनि आबुं मुंफोरा नुजादों।

        जोबथा आबुं फारिलाइआव नुजानाय मुंफोराव गोबां सुबुंफोरनि मुंफोरानो गोरोन्थि नुजादोंमोन, बेफोरखौ गोनांथि सान्नानै मुंखौ सुज्रायफिन्नाय  खामानिफोरखौ मोनफ्रोमबो NRC सेवा केन्ड्रफोराव सुफुं बिलाइखौ होनाय खामानिफोरखौ जागायबाय।

बेफोर खामानिफोरखौ Online नि गेजेरजोंबो गाव गावनि मुंफोरखौ 5 साननि गेजेराव सुज्रायनानै लानानो हागोन, मानोना NRC नि बिबानगिरिफोरा बेफोर खाबुखौ www.nrcassam.nic.in Web portal नि गेजेरजों होनो थाखाय नाजागासिनो दं होन्ना खौरां मोन्नाय जायो। लोगोसे Online नि गेजेरजोंनो गाव गावनि मुंखौ असमिया आरो इंराजि रावजों सेबखांनो हागोन होन्ना मिथिनो मोनबावनाय जायो।

साफ्रोमबो सुबुंफोरा गाव गावनि मुंफोरखौ NRC सिबिथाय मिरुआव थांनानै नायहैनो हागोन आरो जाय बिथांमोनि मुंफोरा फारिलाइआव गोरोन्थि नुजादों बैसोर बिथांमोनहा Offline नि गेजेरजोंबो गोरोन्थि नुजानायखौ सुज्रानानै लानो हागोन। बे खामानिखौ मावनो थाखाय NRC बिसिथाय मिरुनिफ्रायनो सुफुं बिलाइखौ लानानै सुफुंनानै जमा होफिननांगोन होन्ना मिथिनो मोन्नाय जायो। NRC नि बिबानगिरिफोरा बे खामानिखौ मावनो थाखाय जोबथा समखौ फोसावथआखै।

फारसेथिं खौरां मोन्नाय बादिब्ला NRC नि बिबानगिरिफोरा मुं सुज्रायफिन्नाय खामानिखौ मावफुंनो थाखाय Online नि खामानिखौ बांसिनै नाजागासिनो दं होन्ना मिथिनो मोन्नाय जायो, जेराव गाव गावनि मुंखौ सानबानि गेजेरावनो गोरोन्थि गोयै खालामनो हागोन।

मखनो गोनांदि NRC आव मुं थिसनफिन्नाय आरो अजद होनाय खामानिफोरा डिसेम्बर दाननि 15 अक्तसिम सोलिबाय थागोन होन्ना मिथिनो मोन्नाय जायो, आरो मुं थिसनफिन्नाय लोगोसे अजद होनायफोरखौ फैगौ बोसोरनि 1 फेब्रुवारि 2019 निफ्राय जागायगोन होन्ना मिथिनो मोनबावनाय जायो।