आसाम पाब्लिक सार्विश खमिचनजों खुंफुंजानाय आन्जादनि फिथायखौ फोसावबाय, सा 9 बर' फिसानि देरहासार

गुवाहाटी,नवेम्बर 17:आसामनि जौसिन ऑफिसारनि मासिआव जिरायनो थाखाय 2016 माइथायाव आसाम पाब्लिक सार्विश खमिचनजों (APSC) खुंफुंजानाय आन्जादनि फिथायखौ सुक्रबारखालि फोसावबाय। बे आन्जादखौ आसाम सरकारनि Assam Civil Service (ACS) (Junior Grade) नि गासै सा 95 खालि जानानै थानाय मासिखौ सुफुंनायजों लोगोसे ACS आरो सा 60 Assam Land & Revenue Service बिफान्नि खालि जानानै थानाय मासिखौ सुफुंनो थाखाय खुंफुंदोंमोन।

बे आन्जादनि गेजेरजों APS (Junior Grade) आव सा 3, Labour Officer हिसाबै सा 3, Superintendent of Tax हिसाबै सा 2, Assistant Registrar of Cooperative Societies नि ऑफिसार हिसाबै सा 5, Inspector of Taxes Officers हिसाबै सा 8, Excise Officers हिसाबै सा 12, आरो Assistant Employment Officers हिसाबै सा 10 बिजाथिफोरखौ सायखयो।

आसाम चिभिल सार्बिसनि आन्जादाव मारायीआ टानिम बिथांआ जौसिन मासि आवग्रिनो हायो आरो मुन्मि सायकिया, निर्मलज्यति चर्मा बिथांमोनहा नैथि आरो थामथि मासिखौ आवग्रिनो हायो।

फारसेथिं Assam Land & Revenue Service बिफान्नि सा 60 बिजाथिफोरनि गेजेराव बारान्या बरटाकुर बिथांआ जौसिम मासिखौ आवग्रिनो हायो।

बर’ हारिनि थाखाय गोग्गाथाव बाथ्रादि, गासै सा 9 बर’ फिसाफोरा बे आन्जादआव सायखजायो। बिथांमोनि मुं, बिफान आरो फारिनंफोरखौ गाहायाव मखनानै होनाय जाबाय।

Assam Civil Service (Jr. Grade)
1. 092701007 म्रिदुल बर’ STP M OC
2. 090400157 मिथिंगा दैमारि STP M Reserved
3. 091600566 क्रिटिका बसुमथारि STP F Reserved

Assam Land & Revenue Service (Jr. Grade)
1. 212500011 अनिनडिता ब्रम्ह STP F Reserved
2. 091600609 माइनावस्रि बर’ STP F Reserved
3. 021800089 पान्जामुटी ब्रम्ह STP F Reserved

Assam Police Service (Jr. Grade)
1. 091600827 फुल्कान नार्जारि STP F Reserved
2. 091801035 हिमान्ट कुमार बर’ STP M Reserved

Asstt. Employment Officer
1. 090901160 राहुल बसुमथारि STP M VI Reserved