इउनियन टेरिटरियेल काउनचिल दाफुंनानै BTAD नि गोहोखौ बांहोगोन

निउ दिल्ली/गुवाहाटी,नवेम्बर 17: खौरां मोन्नाय बादिब्ला गोबाव समनिफ्रायनो दाबि खालामबोनाय आलादा राज्यो बड’लैन्डनि दाबिखौ नेवसिनानै बड’लैन्ड टेरिटरियेल एरिया डिसट्रिक (BTAD) एबा बड’ औटनमाच काउसिलखौनो बांसिनै गोहो हरनानै खुंहोगोन होन्ना मिथिनो मोन्नाय जायो।

BTAD खौ इउनियनटे रिटरियेल काउनचिल दाफुंनानै गोहोखौ बांहोगोन होन्ना खौरां मोन्नाय जायो।

बावैसो सिगां Joint Action Committee for Separate Bodoland नि सोद्रोमाफोरा मिरु सरकारनि गोजोन सावरायगिरि एबा interlocutor AB Mathur बिथांजों गोदान दिल्लीआव सावरायदों होन्ना खौरां मोन्नाय जायो।

मिरु सरकारा फैगौ समबार एबा 19 Nov 2018 अक्टआव आलादा राज्यो बड’लैन्डनि सोमावसारगिरि गुबुन गुबुन आफादफोर फारियै- दुलाराय बर’ फरायसा आफाद (ABSU), नेशनेल डेमक्रेटिक फ्रन्ट अव बर’लैन्ड प्रग्रेसिव NDFB(P), नेशनेल डेमक्रेटिक फ्रन्ट अव बर’लैन्ड (रन्जन) NDFB(R) आरो इउनायटेड पिपल्स पार्टि लिबारेल (UPPL) फोरखौ लानानै जुथायै सावरायगोन होन्ना खौरां मोन्नाय जायो।

मिरु सरकारनि नखर मनट्री राजनात सिंह बिथांनि दैदेन्नायाव गोजोन सावरायगिरि AB Mathur बिथांआबो सावराय मेलाव नुजाथिगोन आरो बे मेलखौ गोदान दिल्लीनि नर्ट ब्लकआव लागोन होन्ना खौरां मोनबावनाय जायो।

इउनियन टेरिटरियेल काउनचिलनि आंनि फंनैसो बिबुंथि-

उदां भारत हादोरनि गुबुन गुबुन हादोरसाफोरबादि इउनियन टेरिटरियेल काउनचिलआ आलादायै खुंनो हानाय मोनसे बिफान जाय बिफानखौ खुंनो थाखाय हालामाव थानाय सुबुंफोरनो गोहोखौ हरनाय जायो, इउनियन टेरिटरियेल काउनचिलफोरा भारतनि फेडारेल खुंथायनि सिङाव थायो आरो मिरु सरकारा थोंजोंयै नायहरो, बेनिखायनो इउनियन टेरिटरियेल काउन होन्नानै बुंनाय जायो।

जेब्ला हादोरनि संबिजिरखौ 1949 माइथायाव सुजुदोंमोन अब्ला भरत हादोराव मोनसेल’ इउनियन टेरिटरियेल काउनचिल दंमोन, बेनो जाबाय आन्डामान आरो निकबक दिप, बेनि उनाव दिल्ली, चन्डिगड़ आरो लौक्छौडिप इउनियन टेरिटरियेल काउनचिलफोरखौ थाखानाय हादोरसानिफ्राय बुखावनानै दाफुंनानै होयो। दाद्रा, नगर हाभेलि, दामन, दिउ आरो पुडुचेरिफोरखौबो लासै लासै भारत सरकारा आलादायै इउनियन टेरिटरियेल काउनचिल दाफुंनानै होयो।

इउनियन टेरिटरियेल काउनचिलखौ खुंनो थाखाय भारतनि पारलियामेन्टआव आयेन एबा आलादायै संबिजिर दाफुमनानै होनायजों लोगोसे गिबि मनट्री आरो खुंफुं आफादनि सोद्रोमाफोरखौ दाफुंनानै होयो। नाथाय गुबैयै भारत खुंगिरि एबा President आ इउनियन टेरिटरियेल काउनचिलफोरनि खुंफुं आफाद आरो खुंगिरिफोरखौ सायखयो, जेरै दिल्ली आरो पुडुचेरिफोखौ सायखदोंमोन। पान्जाब आरो हारियाना हादोरसानि राजथावनि चन्डिगड़खौ लाफानानै भारत हादोराव गासै मोन 7 इउनियन टेरिटरियेल काउनचिलफोर दं। बेफोर जाबाय

·         चान्डिगड़

·         डाड्रा आरो नगर हाभेलि

·         दामन आरो दिउ

·         लौक्छौडिप

·         पुडुचेर्

·         आन्डामान आरो निकबर दिप

·         हादोरनि राजथावनि दिल्ली

बड’लैन्ड इउनियन टेरिटरियेल काउनचिलखौ दाफुंनानै होयोब्लाबो बर’ हारिनि सिमांफोरा जुफुंनाय नङा, नाथाय इउनियन टेरिटरियेल काउनचिलखौ समजों लोगोसे इउनाव आलादा राज्यो खालामथारनो हानाय गोहोआ दं।