सानै बड'लैन्डनि महरगिरिफोरनि गेजेराव जेंना, दायनिगिरिआ सोर?

गुवाहाटी,डिसेम्बर 16: दिल्लाआव थाग्रा महरगिरि चन्डास्मिथा बसुमथारि बिथांआ गावनि मोखां बिजाबनि एकाउनजों बुङोदि किरन बर’आ गावनि दिजाइनखौ खावदों।

कटन फरायसालिमानि बार्ग फरायसा आरो जेडि इन्सटिटिव अव फेसन डिजाइनिं, चन्डास्मिथा बसुमथारि बिथांआ लिरदोंदि,” You trying to promote Bodoland Silk is fair.. BUT showcasing my designs claiming yourself as the designer is not acceptable at all.. Are you not ashamed at all? If you were only promoting, it was unnecessary to call yourself the designer.. Why fool people and also yourself when you know that you are not the designer? Didn’t you not even once think about the consequences?

फारसेथिं उदालगुरि जिल्लानि किरन बर’ बिथांआ मोखां बिजाबनि गेजेरजों चन्डास्मिथा बसुमथारि बुंनाय बाथ्राखौ नंखाय होन्ना बुङो।

किरन बर’ बिथांआ बुङोदि “आं जेबो मिथिया, मानो बियो (चन्डास्मिथा) आंनि बेरेखायै बिदि बुंदों, आं जोंनि बर’ दखनाखौ बुहुनांङैनो मिथिसारहोनो थाखाय जोबोर नाजागासिनो दं, आं जेब्लाबो बर’ लाइमोन हिन्जावफोरखौ मेसिनजों दानाय दखनाखौ दागान होन्ना बुंदों आरो न’आवनो आखायजों दानाय दखनाखौ गान्नो बिथोन होबोदों”।

बिथांआ बुंबावोदि “बेफोरबादि बाथ्रा बुंनाया जेबो ओंथि गैया, चन्डास्मिथानाव बयबो सोंनो हागोन जुदि दखनाखौ बे बानायनायब्ला, आंनो गिबिसिन बड’लैन्डनि इरि सि, मुगा सि, आरो पाट्टा सिफोरखौ मिथिहोग्रोदों”।

किरन बर’ बिथांआ गावनि मोखां बिजाबाव सनिबारखालि गावखौ “East India Fashion design show” आव   Designer of Bodoland Silk नि मुं मोनदों होन्ना बुंथिनानै लायो।

 “बिथांनि बेबादि बुंनायाव आं जोबोद दुखु मोनदों, आं चन्डास्मिथा बसुमथारिखौ मिथिगौ, आं 55 बोसोर जाबाय, आं गोबाव समनिफ्रायनो जोंनि बर’ माहारिनि थाखाय मावबोगानि दं, चन्डास्मिथाया उन्दै गथ’ आरो गोबां सोलोंनो गोनां दंबावो” होन्ना किरन बर’ बिथांआ फिन्नाय हरो।